ဂျပန်မှာ ကိုယ်ဝန်ရှိပြီလို့ ထင်ရရင် ဘာလုပ်ရမလဲ?

ဂျပန်မှာ ကိုယ်ဝန်ရှိပြီလို့ ထင်ရရင် ဘာလုပ်ရမလဲ?

မင်္ဂလာပါမေမေတို့ရေ။ Phoo Sar in japan မှ ကြိုဆိုပါတယ်။

ဂျပန်မှာနေရင်း ကိုယ်ဝန်ရှိနေပြီလို့ ထင်ရတဲ့အခါ ဝမ်းသာရမလို၊ စိုးရိမ်ရမလို ဖြစ်နေပါသလား? 

ဒီနေ့ ဗီဒီယိုလေးမှာတော့ ကိုယ်ဝန်ရှိပြီဆိုတာနဲ့ ပထမဆုံး ဘာတွေလုပ်ရမလဲဆိုတာကို အဆင့်ဆင့် ရှင်းပြပေးသွားမှာဖြစ်ပါတယ်။

ပထမဆုံးအနေနဲ့ ဆေးဆိုင် မှာ ကိုယ်ဝန်စစ်ဆေးတံ Ninshin Kensa yaku ကို ဝယ်ပြီး စစ်ကြည့်ပါ။ 

တကယ်လို့ အနီရောင်မျဉ်းနှစ်ကြောင်း  ပြပြီဆိုရင်တော့ နောက်တစ်ဆင့်က ဆေးရုံသွားဖို့ပါပဲ။ ဂျပန်မှာက ကိုယ်ဝန်စစ်တာကို အာမခံ မရတဲ့အတွက် ပထမဆုံးအကြိမ်မှာ ယန်း ၅,၀၀၀ ကနေ ၁၀,၀၀၀ ဝန်းကျင် ကုန်နိုင်တယ်ဆိုတာ ကြိုတင်ပြင်ဆင်ထားကြပါနော်။

ဒုတိယအဆင့်ကတော့ Sanfu jinka လို့ခေါ်တဲ့ သားဖွားမီးယပ်ဆေးရုံကို ရှာရမှာပါ။ 

အိမ်နဲ့နီးတဲ့ဆေးရုံကို ရွေးချယ်တာ အကောင်းဆုံးပါပဲ။ 

ဖုန်းဆက်ပြီး “Ninshin kensa wo shitai desu” လို့ ပြောပြီး ရက်ချိန်းယူလိုက်ပါ။ 

ဂျပန်မှာက နာမည်ကြီးတဲ့ဆေးရုံတွေက လူပြည့်မြန်တတ်လို့ ကလေးမွေးဖို့နေရာ (Bunben yoyaku) ကို စောစောဦးထားဖို့ အရမ်းအရေးကြီးပါတယ်။

ဆေးရုံမှာ ကလေးရဲ့နှလုံးခုန်သံကို အတည်ပြုပြီးပြီဆိုရင် ဆရာဝန်က စာရွက်တစ်ရွက် ထုတ်ပေးပါလိမ့်မယ်။ 

အဲဒါရရင် ကိုယ့်ရဲ့ မြို့နယ်ရုံး ကို သွားပြီး “Boshi techou” (မိခင်နှင့်ကလေးလက်စွဲစာအုပ်) သွားထုတ်ပါ။ 

ဒီစာအုပ်လေးရှိမှ ဆေးရုံစရိတ်သက်သာခွင့်လက်မှတ် (Coupon) တွေ ရမှာဖြစ်သလို၊ ကလေးရဲ့ ကျန်းမာရေးမှတ်တမ်းတွေကိုလည်း သေချာမှတ်ထားနိုင်မှာပါ။ မြန်မာဘာသာပြန်ရှိမရှိလည်း မေးကြည့်ဖို့ မမေ့နဲ့နော်။

ဂျပန်မှာ တစ်ယောက်တည်းမွေးရမှာမို့ မစိုးရိမ်ပါနဲ့။ အကူအညီပေးမယ့်သူတွေ အများကြီးရှိပါတယ်။ 

နောက်ထပ် သိချင်တာတွေရှိရင်လည်း ကွန်မန့်မှာ မေးခဲ့နိုင်ပါတယ်နော်။ မေမေနဲ့ ဘေဘီလေး ကျန်းကျန်းမာမာ ရှိပါစေ။ 

တာ့တာ။

For Facebook Users→https://www.facebook.com/reel/1213912923657205

#JapanMom #MyanmarInJapan ##ဂျပန် #ကလေး #ကိုယ်ဝန်ဆောင် #ဂျပန်ရောက်မြန်မာများ #ကလေးဗီဇာ #VisaInJapan #motherhoodinjapan #phoosarinjapan #phoosar37